Կրթահամալիրիր ուսումնական օրացույցով «Աղայանական օրեր» նախագիծը իրականացվում է ապրիլ ամսին:
Նախագիծը նախատեսված է 1-րդ դասարանի համար:
Նպատակը՝ Աղայանական օրեր նախագծի իրականացում կրտսեր դպրոցի առաջին դասարանում:
Խնդիրները`
- Բանավոր խոսքի զարգացում
- Ստեղծագործական մտքի զարգացում
- Մեդիահմտությունների զարգացում
- Ինքնուրույն, խմբով աշխատելու հմտությունների զարգացում
Նախագծի իրականացման սպասվելիք արդյունքներ՝
Աղայանական մեդիանյութերի, աուդիոգրքերի, էլեկտրոնային ընթերցարանների ստեղծում:
Գրական ստեղծագործությունների ցանկ՝
- Ատամը փոխած
- Ամիսներ և չորս եղանակ
- Արևի հրամանը
- Արևի ճառագայթները
- Կատու
Սովորողների հմտությունները`
Երկրորդ կիսամյակում սովորողները տառաճանաչ են,կարողանում են գրել,կարդալ, նկարում և մուտքագրում են,/Paint, MS Word/ ծրագրերով:
Ուսումնական աշխատանք
- Ստեղծագործությունների յուրացում խաղային մեթոդների օգնությամբ
- Ձայնագրություններ,
- Նկարներ paint նկարչական ծրագրով. նկարել տեղծագործության հատվածներ, հերոսներին
- Գրել նամակներ ստեղծագործության սիրելի հերոսներին:
- Ծեփել ստեղծագործության ծանոթ առարկաներ/կավ,պլաստիլին/
Ատամը փոխած
Ատամ, ատամ,
Իմ կաթնատամ,Գնա՜ս բարով
Հարյուր տարով…
Իսկ դու արի՛,
Գալըդ բարի՜,
Իմ նո՛ր ատամ.
Ես քեզ կըտամ
Հարյուր տարի
Հազար բարի-
Էլ ղավուրմա՜,
Էլ բաստուրմա՜,
Չամչով փլա՜վ,
Հնդու խուրմա,
Տանձ ու խնձոր
Մի՜շտ, ամեն օ՜ր
Փըստա՜, բադա՜մ,
Էլ ո՜ր մեկի
ԱՆունը տամ,
Ոսկի՜ ատամ:
Ամիսներ և չորս եղանակ
Մարտը տալիս է ձնծաղիկ,
Ապրիլը՝ կապույտ մանուշակ,
Մայիսին բացվում է վարդը,
Սոխակը երգում անուշակ։
Հունիսը մեզ խոտ է տալիս,
Իսկ հուլիսը առատ ցորեն,
Օգոստոսը տանձ ու խնձոր
Եվ ուրիշ շատ հասուն մրգեր։
Սեպտեմբերը մեզ տալիս է
Խաղողի բոլոր տեսակը.
Հոկտեմբերը՝ կարմիր գինի,
Նոյեմբերը՝ բողկն ու տակը։
Դեկտեմբերին ձյուն է գալիս,
Հունվարին ծածկվում սար ու ձոր,
Փետրվարին սկսվում է
Փոփոխակի ցուրտ ու տաք օր։
Ահա այսպես բոլոր տարին
Թավալվում է չորս շրջանում,
Այս պատճառով չորս ժամանակ,
Չորս եղանակ է մեզ բերում։
Կատու
Կատուն եկավ,
Փիսի՜կ, փիսի՜կ,
Հազար նազով,
Ինչպես հարսիկ,
Դունչը սրբեց
Թաթիկներով,
Մազը սանդրեց
Չանչիկներով.
— Կատու, կատու,
Ե՞ր ես տրտում.
Թե՞ մկներն են
Հիմա արթուն:
Կատուն ասեց.
_ Միաո՜, միաո՜.
Այսինքն թե՝
_ Այո՛, այո՛: